Borssesnyers1673p087

87
ghy siet wat siel dat is, ach ick verlies mijn leven.
Ariaen: k'En wil dees craem-vrouw maer een suet wijn-suypen gheven. houd dat en dat, ick jaegh de hoere soo naer t'graf,
Iaco: Ghevaerken staet my by, ach mijne cap is af, ey my ick sal van daegh noch uyt de wereldt loopen.
Ariaen: De ondeught moet op 't lest haer boosheydt dier becoopen,
Meysen: en laat niet onverhoopen u al te grooten haet,
Ariaen: Ghevaer als ick 't bepeys soo word ick desperaet, de tooverers die moet mijn furien betaelen, het is een boos serpent.
Meysen: Ick com den tabbaert haelen die ick u heb geleent, bonet en oock Brevier, laet my niet lanck hier blijven oft mijnen Heer Pastoor sou al te bijster kijven, ras gheeft hem my terstont.
Iaco: Wat tabbaert hebt ghy toch gheleent aen desen hondt, dat sou ick gheren weten.
Ariaen: Ick segh u houd den mondt, want ghy al mijn secreten in 't minst niet kennen moet.
Meysen: Compeer ick bidde u toch inder haest wat spoet ick moet gaen henen stappen,
Iaco: hier sal het vals bedroch sijn-selven noch beclappen.
Ariaen: k'Sal u voor 't backhuys lappen, oft swijght eer ick u slaen.
Meysen: Compeer jaeght mij toch wegh want t'is tijdt dat ick gaen,
Iaco: K'en can het niet verstaen wat dit toch mach bedieden,
Ariaen: Ghevaerken k'fal den Heer verstont hier doen ontbieden die heeft den rock ghebruyckt,
Iaco: ghy siel ick sien dat uwen handel niet en stuyckt, ghy hebt my wel bedroghen, als den Officiael my paeyden met een loghen, t'was eenen deugheniet als ghy vuyl rishen-faet, af-setsel vander hellen, die my met u verraet meynt valschelijck te quellen, ghevaerken staet my by wy slaen den rekel doodt, dat hy 't sijn moeder noot oft vrienden sal gaen claeghen,
Meysen: Gheeft my den tabbaert weer oft ick sal u doen daeghen,
Ariaen: Ghevaer ick moet eens vraeghen,
Meysen: en vraeght my niet maer ick eysch onsen tabbaert weer, ick wort uyt huys ghejaeght als ick aen mijnen Heer den selven niet en brengh:
Iaco: Wat dunckt u van die vlugh, die uytgheteerde krengh:
Arien: Waer sal ick nu gaen vluchten,
Iaco: daer uwen tabbaert is, ( Ariaen binnen ) waer door ick quam tot suchten, de droes hael u ghevaer.
Meysen: n'En siel met een fielin maeckt een vuyl duyvels haer. ( binnen )

Hans