Borssesnyers1673p086

rechten boef der boeven. Ist moghelijck dat ick dit apenspel soo lij, maer t'schijnt dat hedendaeghs is als een tooverij dat die de beste is den meesten last moet draeghen.
Ariaen boven uyt de venster.
Wel vrouw compt ghy my nu in't gheestlijck hof doen daeghen? voor al de bitter slaeghen die ghy hebt uyt ghestaen,
Jacomijn.
O neen ; my dunckt t'is tijdt om saem naer t'bedt te gaen,
Ariaen.
Ick had nochtans mijn beste cleeren aenghedaen, en meynden daer med'voor den rechter soo te comen.
Jacomijn.
K'en heb voor waer gheenen officiael vernomen, om dat ghy sijt te vromen en te realen baes, want seght my eens wie dat het oproerich gheraes sou hebben connen stillen van menich straet-clappey, wy sijn van eenen wille en leven saem in vreught,
Ariaen.
Ick sien wel vrouw dat ghy int minste niet en deught, ick heb veel meel ghenucht als ick alleen mach wesen, gaet voorts ghy sijt een hoer,
Jacomijn.
Wel dat is hoogh ghepresen, mijn lief wat schort u dan ey gaan wy slaepen maet.
Ariaen.
Ick en slaep by gheen wijf dat groot gaet om op een ander haer kindt te baeren dus laet ick best by tijdt een sulcken vercken vaeren, want ghy in twintich jaeren gheen kindt en hebt ghehadt.
Jacomijn.
Mijn lief wel wat is dat spreekt ghy van swaericheydt,
Ariaen.
om dat ghy soo terstont comt van den arrebeyt daer ick in't minst geen vreught maer ongerief in vinde.
Jacomijn.
wel waerom?
Ariaen.
om datge sijt te jongh van kinde.
Jacomijn.
ghy sult in uwen clap, wat droomt ghy lieven man, ick ben onnoosel, hoe! ick en weet nievers van en maeckt my ondertusschen voor t'volck hier niet bevreest,
Ariaen.
wel wie is van u kussen den vader dan gheweest, spreckt lendebreay, druypneus, vuyl-maeck-vet, ghy smots vol vuylicheyt, ghy saters-vel en simpel-bet, ick heb ghenoech ghelet om soo een appel-teef de huyt te helpen touwen, houd dat soo comt eens uyt de valseheydt vande vrouwen,
Jacomijn.
ick bid vergiffenis, k'en doen sulckx nimmermeer,
Ariaen.
elcken duyvel heeft sijn maent,
het is nu mijnen keer, houd dat en dat ghy hoer,
Jacomijn.
o ghyen luycefeer is dit langh te verdraeghen,
Het meysen vanden prochiaen uyt.
meysen.
Ick com om pensen vrint, ick hoor ghy hebt gheslaeghen, wat droes is dit gheseyt ist hier weer kerremis.
Jacomijn.
ghevaerken goy vrindin