BieAlphonsus1673p018

En heb hier eenen brief in dit packet ghebonden
Die ick hem gheven moet self in sijn vrome handt
Hy compt van een Princers die woont in Enghelandt.
Alphonsus. Van veer dit hoorende speckt,
Alpho. Met oorlof eel Gravin ick hoor mijn naeme mellen
Van jemandt, die jet heeft aen my self te bestellen
My dunckt hy haestich is, daerom u dienaer blijf
En scheyd met desen soen
Nimus: Holla Holla niet te stijff.
Alpho. Ick hoop des' eer daer naer noch meerder te ghenieten
Oft anders t'leven sou my ganselijck verdrieten
binnen met sijnen knecht.
Felicia alleen.
Ickstaen gheheel verstelt vol druck en ongheval
Ick vrees dat desen brief wat wonders baeren sal.
Ey Nimus leght wat toe om eens dan grondt te weten
Oft daer jet schuylen mach,
Nimus Mevrou het sijn secreten
Van een seer eel Princers uyt Enghelandt ghebrocht:
Felicia. Uyt Enghelandt, oft ick die achterhaelen mocht
Waer toe ghy dienstich sijt om stil daer naer te trachten
En sal door uwe hulp hier op eens andtwoordt wachten.
Nimus. Soo ghy my drinckgelt gheeft ben ick daer toe ghereet:
Felicia. Het welck ick u gheloof dus doet dat ick u heet
Nimus. Laet my maer slechts begaen ick sal 't wel overlegghen,
En alles beter doen als ghy my cunt ghesegghen.
binnen.
VERSCHOONINGH
Den Keyser Adolphus siende het Pourtraict of afbeldsel
van Thebasile wordt daerop verlieft.