BieAlphonsus1673p049

Den wreeden Thefeus liet sijn Ariadne slaepen En brack sijn echte trouw, jae gingh vuyl lusten raepen. Ach siet wat Dido ded' die wreeckten haer afront, Olimpia die smeet haer in den Zeesen gront. En Ariadne wert verlost, ick blijf in treuren My en mach gheen gheluck in dit verdriet ghebeuren, Ick en velriet haer noot die my als nu versmae Een vrou, maer gheenen man my in dees droefheyt laet .... O wreeden Duytsen Stier die mijn Euroop comt haelen En maeckt my nu als een Parthenope vol quaelen, K'wil springhen inde Zee, en soo mijn lusten voen
Mopfus.
Och Heer blijft hier by my, en wilt dat toch niet doen Want ghy verdoemt sout sijn, soo ghy u gaet verdrincken Laet dese raserny ( bid ick ) eens nedersincken;
Alpho.
O wreede Tygerin, o straf van mijn gheslacht Serpent van Libien, ken had dit noodt ghedacht ..... Een Indiaense Slangh heeft u in't Bosch ghespoghen Oft hebt wel eer de borst van een Leeuwin ghesoghen. Waer is mijn wackerheyt, die dickwils heeft bestaen In 't volck van Asien met cloeckheyt te verslaen, Al dat ick wenschen kan om my met recht te wereken Soo bik ick dat ghy moght haest sijn de moort ghesteken, Ken wensch u voorder niet als eenen wreeden haet Van uwen Heer en Man, door vals betight verraet.
binnen.

Tweede uyt-comen

Den Keyser Adolphus met sijn Hoff.