BieAlphonsus1673p003

Oft k'jaegh u daet'lijck door en treck u niet meer aen:
Met onghewillighe ist quaet ter jacht te gaen,
Die my in dit verdriet met spotternijen quellen
En sien mijn herten wensch van d'een en d'ander vellen;
Ten offer van de deught had ick mijn siel verplicht
Maer Liefde heeft in my een ander vier verricht;
Den goeden moet nochtans sal my tot hope brenghen
En mijn verswackte kracht eens met een troosting menghen
De Liefde gheeft den mensch dan vreught en dan verdriet.
Mopsus De Liefde gheeft my rust want ick en soeck haer niet,
Alpho. Ick hop' de min sal my eens haere jonst toesturen
Mopsus Soo sy in't Cellebroers gheen Camer en gaet hueren
Voor uwe rasernij, Alph. Ick wensch niet als de doodt
Waer Charon hier ontrent met sijnen helschen boot
Om te bevrachten ach; mijn siele naer het sterven
Nu ick Thebasile soo teghen danck moet derven,
O Wispelturich wicht, Cupido wreet Tiran
Heb medelijden met een eelgheboren man
Die wenst de doodt, oft thoont aen hem eens u ghenade
Mopsus Een minnaers wensch is sot, en comt altijt te spade. Binnen.
Alpho. O min ô wonder min, wat hebt ghy loofheydt in
Wat isser dobbelheydt verborghen inde min,
Ick min, toch sonder min, want die ick min gaet vluchten
In plaets van weder min en crijgh niet als veel suchten
Echo. Wat middel vind' ick dan om eens te sijn verblijdt, -lijdt.
Ach t'lijden is te swaer, ick word' te seer benijdt? ------------nijdt.
Wie heeft my desen nijdt van menschen toegesonden? ----sonden.
De sonden, ach t'is waer, wie can dit al bemonden? --------monden.
Den mond' die seyt al veel t'gen t'herte niet en denckt --- denckt.
Ick dencket laes soo veel dat my verteert en krenckt --------krenckt.
Hoe mach den hollen mond van Eccho my soo blamen? ---blamen.
Ten is geen blamens werck, ghy hoort u sulcx te schamen-amen.

Oft k´jaegh u daet´lijck door en treck u niet meer aen:
Met onghewillighe ist quaet ter jacht te gaen,
Die my in dit verdriet met spotternijen quellen
En sien mijn herten wensch van d´een en d´ander vellen;
Ten offer van de deught had ick mijn siel verplicht
Maer Liefde heeft in my een ander vier verricht;
Den goeden moet nochtans sal my tot hope brenghen
En mijn verswackte kracht eens met een troosting menghen
De Liefde gheeft den mensch dan vreught en dan verdriet.
Mopsus De Liefde gheeft my rust want ick en soeck haer niet,
Alpho. Ick hop´ de min sal my eens haere jonst toesturen
Mopsus Soo sy in´t Cellebroers gheen Camer en gaet hueren
Voor uwe rasernij, Alph. Ick wensch niet als de doodt
Waer Charon hier ontrent met sijnen helschen boot
Om te bevrachten ach; mijn siele naer het sterven
Nu ick Thebasile soo teghen danck moet derven,
O Wispelturich wicht, Cupido wreet Tiran
Heb medelijden met een eelgheboren man
Die wenst de doodt, oft thoont aen hem eens u ghenade
Mopsus Een minnaers wensch is sot, en comt altijt te spade. Binnen.
Alpho. O min ô wonder min, wat hebt ghy loofheydt in
Wat isser dobbelheydt verborghen inde min,
Ick min, toch sonder min, want die ick min gaet vluchten
In plaets van weder min en crijgh niet als veel suchten
Echo. Wat middel vind´ ick dan om eens te sijn verblijdt, -lijdt.
Ach t´lijden is te swaer, ick word' te seer benijdt? ------------nijdt.
Wie heeft my desen nijdt van menschen toegesonden? ----sonden.
De sonden, ach t´is waer, wie can dit al bemonden? --------monden.
Den mond´ die seyt al veel t´gen t´herte niet en denckt --- denckt.
Ick dencket laes soo veel dat my verteert en krenckt --------krenckt.
Hoe mach den hollen mond van Eccho my soo blamen? ---blamen.
Ten is geen blamens werck, ghy hoort u sulcx te schamen-amen.