Naer Spanien, al waer ghy van een Coningin
Door vast verbonden trouw cont maecken een Gravin,
Mopsus Maer wat sal d'eerste lief Felicia nu segghen
Alpho. Ick bid u swijght ghy stil wy moeten dit belegghen
Met rijp en goeden raet en overdachten sin.
Mopsus Hoe sot en wanckelbaer loopt hedendaeghs de min,
Hoe sal Felicia daer naer noch moeten pruylen....
My dunckt dat ickse hoor soo sal die prij noch huylen.
Alpho. Dat k'nu van Dedalus sijn taye vleughels had
Het waer my noch te langh te vlieghen naer de Stadt.
Sa sadelt stracx mijn peerdt, en brenght mijn goude sporen
Want nu gheen blijder mensch op d'aerd' en is gheboren....
My dunckt dat beter is daer over zee te gaen,
Mopsus. Het is my even eens het spel staet my wel aen.
Alpho. Sa vlieght, en haest u dan, het schijnt ghy sijt beseten
Mopsus. Mijn Heer en sullen wy niet eersten wat gaen eten
Alpho. Peyst ghy op t'eten weer, ick geef u soo een clinck
Oft swijght, ghy apenras Mop. k'en hou niet van dat dinck,
Alpho. De knechten anders niet als op den brom en peysen.
Mopsus Mijn Heer ick segh het is quaet nuchteren te reysen
Alpho. Kºen denck op t'eten niet, Mopsus. Ghy sijt door min versaeyt
En ick en soeck gheen wijf, want mijnen kop die draeyt,
Om dat ick al den dach soo langhen tijdt moet vasten
Alpho. Sa spoeyt u naerde Zee, en vraeght de schippers gasten
Wanneer het tijtsal sijn, Mopsus. De sotten altemael sijn vol
van minne pijn. binnen.
Alpho. Ach hoe seer is mijn hert tot minnelust gheneghen....
Mopsus wyt.
Mopsus Mijn Heer; den schipper comt my op de straet daer teghen
Hy steckt terstont van kant, dus is het meer als tijdt
Om gaen, wanneer ghy tot de reys gheneghen sijt
Alpho. Ist waer, ick ben bereet, mijn lijfensiel te waeghen
Om aen Thebasile met jever op te draeghen:
