page_0001

(fol. 1v) Man sach si tægeliche · nv riten an den Rin · di
zer hochkezite · gerne wolden sin · di dvrch der
kvnege liebe · chomen in daz lant · man gap da
genvogen · beider ross vnt ovch gewant. Jn was
in gesidele · allen wol bereit · den hohsten vnt den
besten · als vns daz ist geseit · zwein vnt drizech f(i)vrsten · da zer hoch
kezit · da zierte sich engegene · vil manech ivncfrowe sit.
Ez was vil vnm(i)vzech · Giselher daz kint · di vremden vnt ir mage · vil
G(i)vtliche sint · enpfienger vnt Gernot · vnt ovch ir beider man · ia grvozten
si di degene · als ez nah eren was getan. Di golt varwen sætele ·
si brahten in daz lant · di zierlichen scilde · vnt herlich gewant · dvrch
des writes liebe · zvo der hochkezit · vil manegen vngesvnden · sah man vro(e)li
chen sit. Di in den peÿen lagen · vnt heten w nden not · di mvo
sen des vergezzen · wi herte was der tot · di siechen vngesvnden · di mvo
sen si verchlagen · Si vrvoten sich der mære · gein der hochkezite tagen.
Wie si lebn wolden · da zer wirtscaft · wu nne ane maze · mit vrvoden
vberchraft · heten al di livte · swaz man ir da vant · des hvop sich
michel wu nne · vber al daz Gv(e)ntheres lant. An einem Pfinxt
morgen · sah man fv(e)r gan · gechleidet wunnechliche · vil manegen chvo
nen man · fv(e)nf tvosent oder mere · da zer hochkezit · der lop vil vollechli
che · an den Bvregonden lit. Der wirt der het di sinne · im was
wol bechant · wi rehte hercenliche · der helt von Niderlant · sine swetter
trvote · swie er si niene gesach · der man so grozer scöne · vor allen ivnch
frowen iach. Er sprach nv ratent alle · mage vnt mine man · d
wie wir di hochkezite · so lobeliche han · daz man vns drvmbe iht
scelte · her nach dirre zit · ein ieslich lop vil stæte · ze ivngest an den
werchen lit. Do sprach vozer Metzzen · der degn Ortwin · welt ir
mit vollen eren · zer hochkezite sin · so svlt ir lazen scowen · div wunnech
lichen kint·

Man sach sí tægeiliche. nv rîten/ an den Rín. dí
zer hochkezite. gerne wolden sín. di dvrch der
kvnege liebe. chomen ín daz lant. man gap da
genvogen. beider róss vnd ovch gewant. Jn was
in gesídele. allen wol bereít. den hohsten vnt den
besten. als vns daz ist geseit. zweín vnt drîzech f(ve)rsten. da zer hoch
kezít. da zíerte sich engegene. vil manech ívncfrowe sít.
Ez was vil vnm(ve)zech. Giselher daz kint. dí vremden vnd ír mage. vil
g(ve)tliche sínt. enpfienger vnd Gernot. vnd ovch ir beider man. ia grvozten
si di degene. als ez nah eren was getan. Di golt varwen sætele.
si brahten ín daz lant. di zíerlichen scilde. vnd herlich gewant. dvrch
des writes liebe. zvo der hochkezít. vil manegen vngesvnden. sah man vrölí
chen sít. Dí ín den peÿen lagen. vnd heten wnden not. dí mvo
sen des vergezzen. wí herte was der tot. dí siechen vngesvnden. di mvo
sen sí verchlagen. Sí vrvoten sich der mære. geín der hochkezíte tagen.
Wíe si lebn wolden. da zer wirtscaft. wunne ane maze. mít vrvoden
vberchraft. heten al di lívte. swaz man ir da vant. des hvop sich
michel wunne. vber al daz G(ve)ntheres lant. An eínem Pfínxt
morgen. sah man f(ve)r gan. gechleidet wunnechliche. vil manegen chvo
nen man. f(ve)nf tvosent oder mere. da zer hochkezít. der lop vil vollechlí
che. an den Bvregonden lít Der wírt der het dí sínne. ím was
wol bechant. wí rehte hercenliche. der helt von Niderlant. síne swetter
trvote. swíe er sí níene gesach. der man so grozer scöne. vor allen ivnch
frowen iach. Er sprach nv râtent alle. mâge vnd míne man. d
wíe wír di hochkezíte. so lobeliche han. daz man vns drvmbe iht
scelte. her nach dírre zít. eín íeslích lop vil stæte. ze ívngest an den
werchen lit. Do sprach vozer Metzzen. der degn Ortwin. welt ír
mít vollen eren. zer hochkezite sin. so svlt ir lazen scowen. dív wunnech
lichen kínt.