Nibelungenfragment_2.2

(fol. 2r) di mit so vollen eren · hie zen Bvregonden sint. Waz wære man nes wunne des vrvote sich ir lip · ez en tæten sco(e)ne meide · vnt herlichiv wip · ir lazet iwer swester · fv(e)r iwer geste gan · der rat was zeliebe · vil manegem degene getan. D es wil ich gerne volgen · sprach der kvnec do · alle di ez erfvnden · di warens harte vro · man saget ovch daz frovn Voten · vnt ir tohter wolgetan · daz si mit mægeden · hin ze hove solden gan. Do wart voz den chisten · gesvochet gvot gewa nt · swaz man in der valde · der liehten wæte vant · porten vnt pvoge · des was in vil bereit · sich zierte minnechliche · vil manech wætli chiv meit. Vil manech reche tvmber · des tages hete mvot · daz er an zesehene · den frowen wære gvot · daz er da fv(e)r næme · niht ei nes kvneges lant · si sahen di vil gerne · di si heten nie bechant.