Borssesnyers1673p094

94
spreckt eens ras wat wilde met den campfort segghen.
Neel: Wel dat is het claerste van 't proces als ick dat uyt sal legghen.
Advoc.: Cortsen en lusten, en campfort in een proces ghestelt, my dunckt dat ghy my met spotternijen quelt, leght my dit beter uyt oft ick u wel vervloeck.
Neel: Daer loopt den hasaert op, dat is het ghen' ick soeck, hoort eens Heer en stelt u vry in rusten, om dat mijn broeder d'oorsaeck was van al die vremde lusten die mijn moeder in haer selven vondt, het ghene altemael in 't ghewelt vande corts bestont en boven dien soo was hy scheel en scheef, hy en cost dansen noch springen noch en las noch en schreef noch en ginck noyt ter scholen om d'Astrologi te leeren, en ick ghinck dienen by groote Heeren, en mijn vaer cost seer veel kaetsen met den bal, en dat was de reden dat mijn broeder creegh een misval.
Adv.: Wat seght ghy u broeder een misval ghecreghen, ghy had eter ghesweghen, ick en can desen sot niet verstaen.
Neel: Mijn Heer daer hanghet aen,
Adv.: Wie ghelagh van een misval spreckt met reden, mijn leven en heb ick noyt sulck eenen spot gheleden ghy breckt hier mijnen kop.
Neel: Mijn Heer daer loopt het op, ick en was toen noch gheenen Priester ghewijt,
Adv.: Wel seght my eens wat dat ghy nu sijt.
Neel: Nu oock noch niet.
Adv.: Ick en weet niet wat dit bediet, k'en can noch slot noch reen uyt desen clap begrijpen.
Neel: Ick had lanck achter straet gaen scheir en messen slijpen om dat mijn vader creegh een deerlijck banckeroet.
Adv.: Wel desen geckt met my en maeckt my heel verwoet, ick sou hem doen vermoorden
Neel: Mijn Heer sou ick nu wel connen mijn derde oorden verkrijghen tot den staet van 't t'weerde Priesterschap om een eynt te maecken van allen ons gheclap, want hebbende eenen vaer die met graveel heeft gheleghen, mijn broeder scheef en scheel die een misval heeft ghekreghen, het mocht my letten aen mijn houwelijck.
Adv. Wat houwelijck weer, ghy sout m'u doen verslinden, k'en can hier slot noch eyndt veel minder sin uyt vinden, wat misval creegh u broer vertelt my eerst die saeck.
Neel: Wel hoe mijn Heer het was eenen vlieghenden draeck, en cunt ghy dat niet weten, soo hebt ghy allen u Philosophi vergeten ( Draco volans est ens in charta cupiens exire feueftra)
Adv.: Daer ben ick in verstelt.
Neel: als mijn broeder tot Loven studeer