BieAlphonsus1673p053

Soo haest sigh openbaert een aenghenamen schat,
Rom.
Wy hebben Wilds ghenoegh, vier Herten en dry Swijnen
Alolp.
Ist al, Edelm. Neen noch een Wolf, ses Haesen, thien Conijnen
Adolp.
Dat is gheluck, Rom. T'is waer, maer laes; .....
Adop.
Ghy sijt ontstelt
Rom.
Dat is om datter iet mijn hert met droefheyt quelt
Adolp.
Wat quellingh u beswaert, en brenght my in gheen treuren Nu my al t'gheen ick wensch op d'aertrijck mach ghebeuren, Wat isser swaerigheyt?
Julius Edelman Ghenoegh, t' waer beter niet
Adolp. Wat isser, naeckt my dan verraet oft swaer verdriet spreekt uyt, ick moet den gront van deze saecken weten
2. Edel.
Dat jemant sigh niet wel in d'eer en heeft ghequeten,
Adolp.
In d'eer, wats dit gheseyt, in d'eer, seght watter is, Ghy jaeght mijn hert vol vrees en swaer becommernis, Isser een moort gheschiet oft jet uyt t'Hoff ghestolen, Wat schuylter dat ghy staet verbaest, t'gheen ick bevolen Heb om te segghen, spreckt oft ghy maeckt my vergramt ick weten wil oft jemand' mijne trouw beschampt, Ick wil dat ghy-lie my sult uyt de keuringh stellen,
Rom.
Soo sal ick u de saeck van eerst tot lest vertellen Al ist dat my de schaemt bestrijt seer stercelijck, Want t' is een saeck waer aen d'eer hanght van 't Keyserrijck.. U Majesteyt weet wel hoe ick door sijn begheren Bereet was om Mevrou tot hier t'accompaigneren, U is oock wel bekent den Eel-man die haer dient Die sy ghestadigh houd' voor haeren besten vrient, Die sy in Enghelandt van straet heeft op ghenomen, En is als Camerlinck tot hier met haer ghecomen, T' was eerst een Pellegrim, een armen Bedelaer Een sleght verworpen man, t'is soo ick u verclaer, daer sy misschien uyt lust in vond een groot behaeghen Soo als ick en noch meer aldaer voor ooghen saeghen,